Sabzavotlar va mevalar — qish uchun vitaminlar zaxirasi hisoblanadi. Ulardan ba’zilari saqlashda alohida e’tiborni talab qiladi: masalan, piyoz va kartoshka bir-biriga yaqin saqlanmasligi kerak. Ko‘plab uy bekalari sabzavotlar va mevalarni to‘g‘ri saqlashda xatolikka yo‘l qo‘yadi. AdMe nashri sabzavotlarni bahorgacha saqlashga yordam beradigan maslahatlarni taqdim etdi.
Piyoz
Piyozni saqlashnig eng yaxshi usullaridan biri uni kapronlarga solishdir. Kapron piyozning saqlanishi uchun yaxshi sharoit yaratadi, chunki piyoz havoni talab qiladi, biroq namlikka chiday olmaydi. Ba’zilar kartoshka bilan piyozni bir idishga solishadi. Bu xatoga yo‘l qo‘ymang, kartoshka namlik beradi, bu holatda esa piyoz chiriy boshlaydi. Agar piyozni kapron kalgotkalarga osishni istamasangiz ularni to‘qilgan savatlarga soling — piyoz bahorgacha yaxshi saqlanadi.
Kartoshka
Kartoshka qorong‘i va salqin joyda saqlanishi kerak. Kartoshka solingan idishga tog‘ kulining barglarini qo‘ying, chunki ular fitonsidlarni chiqaradi va hosilni chirishdan himoya qiladi. Piyoz va olmalarni bir-biriga qo‘ymang: bu meva va sabzavot kartoshka sifatini buzadigan gaz hosil qiladi.
Lavlagi
Lavlagi ham saqlashda alohida e’tibor talab qiladi, biroq uni kartoshka bilan bir joyda saqlasa bo‘ladi. Lavlagi ortiqcha namlikni yutadi va qattiq bo‘ladi. Biroq uni kartoshka bilan aralashtirish kerak, lavlagini kartoshkaning ustiga qo‘yish kerak.
Olma
Olma salqin, qorong‘i joyda, masalan, yerto‘lada, 0 daraja haroratdan 7 daraja haroratda saqlanadi. Olmalarni koridorda karton qutida saqlash mumkin, biroq vaqti-vaqti bilan mevalarni shamollatishni unutmang. Shu bilan birga olmalar “nafas olishi” uchun karton qutida teshiklar hosil qilgan ma’qul. Mevalarni balkonda ham saqlasa bo‘ladi. Izolyatsiya qilinmagan olmalarni 2-4 oy, izolyatsiyalanganda esa olti oygacha saqlash mumkin. Karton quti olinadi va har bir olma qog‘ozga o‘raladi.
Olmani chirishdan himoya qilish uchun shunday hayotiy usul bor: oddiy dorixonada bor bo‘lgan glitserinini matoga surting va har bir mevani artib oling yoki olmani margansovka eritmasida yuving.
Sabzi
Ko‘p hollarda sabzi oddiy idishlarga joylashtiriladi: unga qum, piyoz qobig‘i va hatto taxta qirindisi solinadi. Bu narsalar namlikni yutadi va sabzavotlarning bir-biriga tegishiga yo‘l qo‘ymaydi. Eng yaxshi usuli, sabzini yerto‘lada 0 daraja haroratdan 2 darajagacha bo‘lgan haroratda saqlagan ma’qul. Biroq u uyda bir necha oy saqlanishi mumkin.
Sho‘rvalar va raguni tezda pishirish uchun layfxak mavjud. Sabzi tozalanadi, katta tishli qirg‘ichdan o‘tkaziladi va oziq-ovqat plyonkasiga o‘raladi. Sabzilarni kolbasa ko‘rinishida o‘rab chiqing. Zarur bo‘lganda, bir bo‘lagini kesib oling. Bularning barchasi bahorgacha muzlatgichda yaxshi saqlanadi.
Sarimsoqpiyoz
Sarimsoqpiyozni havo almashadigan, soya tushadigan va namsiz joyda saqlagan ma’qul. Sarimsoqni oshxonada yoki koridorda to‘r xaltalarga osilgan holatda saqlasa ham bo‘ladi. Uni to‘r xaltalarga (masalan, apelsin ostidan) qo‘yishingiz mumkin. Uni qutilarga yoki savatga sochishingiz mumkin, biroq qatlam 15 santimetrdan oshmasligi kerak. Shu bilan birga idishda havo o‘tkazuvchi teshikchalar ham bo‘lishi kerak.
Karam
Karamni uy sharoitida saqlash juda qiyin. Uni saqlash uchun ideal harorat 0 darajadan 2 darajagacha bo‘lishi kerak. Karamni tozalash va qog‘oz yoki oziq-ovqat plyonkasiga o‘rash kerak — 3 qatlam yetarli bo‘ladi. Asosiysi, karamning boshlari bir-biriga tegmasligi kerak. Sabzavotlar vaqti-vaqti bilan tekshirilishi kerak.
Qovoq
Qovoqlarni xonadagi harorat 20 daraja haroratdan yuqori bo‘lmasa, krovat ostida saqlash mumkin. Eng yaxshi variant balkon bo‘lib, u yerda harorat 3 darajadan pastga tushmaydi. Bunday holatda, balkonga taxtalar yoki karton qo‘yiladi, ustiga gazeta qo‘yiladi. Qovoqlar bir-biriga tegmasligi uchun tartibga solinadi. Sabzavotlar issiq adyol bilan qoplanib saqlanadi.
Mavzuga doir:
- Olma, shaftoli, baqlajon va po‘sti bilan iste’mol qilish foydali bo‘lgan boshqa meva va sabzavotlar.
- Kuzgi sabzavotlar bakteriya va viruslardan qanday himoya qiladi?
- G‘alati ta’m va foydasiz tejamkorlik: Kuzda qanday sabzavotlar va mevalarni muzlatmaslik kerak?
- Qishga tayyorgarlik: Mevalar, sabzavotlar va ko‘katlarni muzlatishning 10 qoidasi.
Izoh (0)