Piyoda yurish barcha mushaklar uchun ajoyib mashqdir. Bundan tashqari, yurish yurakni mustahkamlaydi, kayfiyatni yaxshilaydi va qon aylanishini ta’minlaydi. Yurishning hech qanday nojo‘ya tomonlari yo‘q, ammo yurishni endi boshlovchilar barcha afzalliklarni inkor etadigan xatolarga yo‘l qo‘yishi mumkin, deb yozadi The Voice Mag.
Yurishning bir qancha foydalariga qaramay, organizmning bir qismi borki, ushbu jarayondan keyin o‘zini sezilarli darajada yomon his qilishi mumkin. Bu tizzalardir. Quyida ularga salbiy ta’sir o‘tkazuvchi xatolar bilan tanishib chiqing:
Poyabzalni noto‘g‘ri tanlash
Poyabzalning mos bo‘lmaganini kiyish oldindan mavjud bo‘lgan tizza muammolarini kuchaytirishi mumkin. Agar yurganda tizza tekislanmasa, tizzaning tashqi tomonida og‘riq bo‘lsa, barqarorlikni nazorat qiluvchi va kamar tayanchiga ega poyabzal kerak bo‘ladi. Tizzaning ichki qismida artritning dastlabki belgilari kuzatilsa, gipersupinatsiyali odamlar uchun mo‘ljallangan poyabzal kerak bo‘ladi. Shuning uchun yurish paytida tizzalarni iloji boricha tekislash tavsiya etiladi. Qolaversa, ortoped shifokor bu borada nima kerakligini aniqlashga yordam beradi.
Og‘riqlarga qaramay yurishda davom etish
Yurishda ba’zi noqulayliklar yoki charchoq odatiy holdir, lekin og‘riqlarga qaramay yurish va buning o‘tib ketmasligi jiddiy muammolarni paydo qilishi mumkin. Shuning uchun og‘riq to‘xtashini kutish va mutaxassisga murojaat qilish tavsiya etiladi.
Tovonni yerga zarb bilan urib yurish odati
Tovonlarni yerga qattiq urib yurish bo‘g‘im va tizzalar uchun zararli. Bu tizzada juda ko‘p og‘riqlarni keltirib chiqaradi, shuning uchun yurishni o‘zgartirish va tovonga bosim berishni to‘xtatish uchun biroz vaqt kerak bo‘ladi. Shuning uchun to‘g‘ri yurish anatomiyasi haqida shifokor va sport murabbiylari bilan maslahatlashish tavsiya etiladi.
Izoh (0)