Rossiyaning Mosvka va Sankt-Peterburg shaharlaridan Farg‘ona vodiysiga uchgan samolyotlar tuman tufayli Toshkent aeroportiga yo‘naltirildi. Bu haqda “Novosti Tashkentskogo neba” Telegram-kanali xabar qildi.
“O‘zgidromet” axborotiga ko‘ra, 13-noyabr kuni erta tongda Farg‘ona vodiysi viloyatlarida kuzatilayotgan qalin tuman tufayli ko‘rinish masofasi kuchli cheklandi.
Shu sababli Qanot Sharq aviakompaniyasining Moskvadan Farg‘onaga uchgan HH-754 va Yamal Airlines’ning Sankt-Peterburgdan Namanganga uchgan YC-9123 reysi zaxira Toshkent xalqaro aeroporti aerodromiga yo‘naltirildi.
Ma’lum qilinishicha, Namangan aeroportida ko‘rinish nol metrga teng bo‘lgan.
Izoh (0)