Buyuk Britaniya Ukrainaga yana 1000 ta yer-havo raketalari, shuningdek, harbiylar uchun 25 000 qishki kiyim to‘plamlarini yuboradi. Bu haqda Britaniya hukumati tomonidan xabar qilingan telefon suhbatida Qirollik bosh vaziri Rishi Sunak Ukraina prezidenti Vladimir Zelenskiyga va’da bergan, deb yozadi “RBK”.
Sunak va Zelenskiy Ukrainani xalqaro qo‘llab-quvvatlash masalasini ham muhokama qildi va Ukrainaning g‘alla va o‘g‘itlarini jahon bozorlariga yetkazib berish bo‘yicha yaqin aloqani davom ettirishga kelishib oldi.
Ukraina prezidenti Twitter orqali Sunak bilan “qishki davrni yengib o‘tishda” Londondan yordam ko‘rsatilishini muhokama qilganini ma’lum qildi.
9-noyabr kuni Buyuk Britaniya Mudofaa vazirligi Ukrainaga 1000 ga yaqin zenit-raketa majmuasini yetkazib berishni yakunlayotganini xabar qildi. Aniqlik kiritishicha, gap havodagi nishonlarni urib tushirishga qodir bo‘lgan raketalar, jumladan dron va qanotli raketalar haqida bormoqda.