Toshkentda issiqlik tarmog‘i xodimi xonadon egasining mavjud bo‘lmagan qarzdorligini 1000 dollarga yo‘qotib bermoqchi bo‘lgandi. Veolia Energy Tashkent MCHJ XK poytaxt aholisidan shu kabi korrupsiya va boshqa huquqbuzarliklar to‘g‘risida xabar berishni so‘radi.
Ma’lum qilinishicha, kompaniya Toshkent shahri issiqlik ta’minoti tizimini boshqarishga kirish vaqtida, ya’ni 2022-yilning 1-iyulidan “Toshissiqquvvati” DUKning barcha xodimlarini davlat-xususiy sheriklik bitimi doirasida shartnoma majburiyatlariga muvofiq ish bilan ta’minladi.
Oktabr oyining o‘rtalarida Yangihayot tumanida issiqlik tarmog‘i xodimi pora bilan qo‘lga tushganida, kompaniya mas’uliyatning, halollik va mijozlarga yo‘naltirishning global standartlarini mustahkamlaydigan ish yuritish va korporativ etika tartibini ishlab chiqqani haqida xabar qilgandi.
“Veolia Energy Tashkent korrupsiyani qattiq qoralaydi va doimiy ravishda xodimlarimizning kasbiy mahoratini oshirish, shuningdek, korporativ etikaga rioya qilish ustida ishlamoqda. Biz xodimlarning ish haqini o‘rtacha 20 foizga oshirdik, malaka oshirish bo‘yicha ichki treningni yo‘lga qo‘ydik va bu bilan cheklanib qolmaslikni rejalashtirdik”, — deyiladi xabarida.
Qayd etilishicha, kompaniya tomonidan ko‘rilayotgan chora-tadbirlarning majmui bizga kasbiy standartlarni oshirish va xodimlarni o‘z xizmat vazifalariga vijdonan munosabatda bo‘lishga undash imkonini beradi.
Izoh (0)