Bugun,

  • USD 11095.31
  • RUB 173.84
  • EUR 10772.44

Rossiya prezidenti Vladimir Putin Donbassga “mavridi kelganida” boradi, ammo hozircha bunday tashrif rejada yo‘q, dedi Rossiya rahbarining matbuot kotibi Dmitriy Peskov.

Foto: “TASS”

Foto: “TASS”

“Hozircha qandaydir aniq rejalar yo‘q, lekin ishonchim komil, Putin Donbassga boradi, albatta. U yer Rossiya hududlari, va Putin u yerga boradi”, — dedi Peskov.

Donetsk va Lugansk xalq respublikalari, shuningdek, Xerson va Zaporojye viloyatlari 30-sentabr kuni Rossiya tarkibiga kirdi. Shu kuni Vladimir Putin ushbu hududlar vaqtinchalik rahbarlari Denis Pushilin, Leonid Pasechnik, Vladimir Saldo va Yevgeniy Balitsiy bilan ularning yangi subyektlar huquqlari ostida Rossiyaga qo‘shilishi haqidagi shartnomalarni imzoladi. Shartnomalar parlament tomonidan ratifikatsiya qilindi, shundan keyin 5-oktabr kuni Putin bu shartnomalarni ratifikatsiya qilish to‘g‘risidagi qonunlarni imzoladi.

Hududlar 23—27-sentabr kunlari bo‘lib o‘tgan referendumlar natijalari bo‘yicha Rossiya tarkibiga kirdi. LXRda saylovchilarning 98,42 foizi, DXRda — 99,23 foizi, Xerson viloyatida — 87,05 foizi, Zaporojyeda — 93,11 foizi Rossiyaga qo‘shilishni yoqlab ovoz berdi.

Vladimir Putin Rossiyaning yangi hududlariga hozircha borgani yo‘q. Donbass, Xerson va Zaporojyega tashrif buyurishga ulgurgan yuqori mansabli amaldorlar orasida bosh vazir o‘rinbosari Marat Sayfullin, prezident ma’muriyati rahbari birinchi o‘rinbosari Sergey Kiriyenko, Davlat dumasi spikeri Vyacheslav Volodin, Xavfsizlik kengashi raisi o‘rinbosari Dmitriy Medvedev bor.

Peskovning o‘zi esa, Kiriyenko ma’lum qilishicha, bir kun avval, 7-noyabr kuni Luganskka tashrif buyurgan, u yerda matbuot xizmatlari va OAVlar uchun trening o‘tkazgan.

Izoh
Asosiy yangiliklar
Iqtisodiyot
Dunyoda neft narxi tushib bormoqda
Iqtisodiyot
Fevralda O‘zbekistonda eng ko‘p qaysi avtomobil ishlab chiqarildi?
Maslahatlar
Och qoringa ichmaslik kerak bo‘lgan 4 turdagi ichimlik