O‘zbekistonda ayrim shaxslarga umumiy o‘rta ta’lim tizimidagi rahbarlik lavozimlarini egallash taqiqlanishi mumkin

O‘zbekistonda sudlanganlarning umumiy o‘rta ta’lim tizimidagi rahbarlik lavozimlarini egallashi taqiqlanishi mumkin. Bu haqda Xalq ta’limi vazirligi tomonidan ishlab chiqilgan qonun loyihasida belgilanmoqda.

Unga ko‘ra, quyidagilar umumiy o‘rta ta’lim tizimida rahbarlik lavozimiga tayinlanishi taqiqlanadi:

• sud tomonidan muomalaga layoqatsiz yoki muomala layoqati cheklangan deb topilgan shaxslar;
• psixiatriya yoki narkologiya muassasalarida hisobda turgan shaxslar;
• umumiy o‘rta ta’lim tizimida rahbarlik faoliyatini amalga oshirishga to‘sqinlik qiladigan kasallikka chalingan shaxslar;
• qasddan sodir etgan jinoyati uchun muqaddam sudlangan (sudlanganlik holati tugatilganligi, olib tashlanganligidan qat’i nazar) shaxslar;
• jinoyat ishlari aybdorligi to‘g‘risidagi masala hal etilmagan holda tugatilgan jinoyatlarni (qasddan) sodir etgan shaxslar.