Superliganing 25-turidan o‘rin olgan uchrashuvlar 7-noyabr, dushanba kuni bo‘lib o‘tdi.
So‘nggi tur oldidan mag‘lubiyatga uchragan “Nasaf” peshqadamlikni qo‘ldan chiqarib, uchinchi o‘ringa tushib ketdi. “Paxtakor” 1-o‘ringa ko‘tarilgan bo‘lsa, “Navbahor” ikkinchi o‘ringa chiqib oldi.
Har uch jamoa chempionlik uchun imkoniyatni saqlab turibdi. “Paxtakor” o‘z o‘yinida g‘alaba qozonadigan bo‘lsa, navbatdagi sovrinni qo‘lga kiritadi. “Navbahor” va “Nasaf” o‘z o‘yinini yutish bilan birga “sherlar”ning muvaffaqiyatsizlikka uchrashidan umid qilishga majbur.
“OKMK” esa to‘rtinchi o‘rinni naqd qilgan holda OCHL pley-offi yo‘llanmasiga ega chiqdi.
“Neftchi” va “Surxon” Superligada jon saqlab qolish masalasini hal qildi.
So‘nggi turda “Lokomotiv” va “Qo‘qon-1912”ning o‘yinlaridan keyin 12 hamda 13-o‘rin masalasiga oydinlik kiritiladi. 13-o‘rin egasi to‘g‘ridan to‘g‘ri Pro-Ligaga ravona bo‘lsa, 12-o‘rin sohibi o‘tish o‘yinida ishtirok etadi.
Avvalroq so‘nggi tur o‘yinlari ro‘yxati e’lon qilingandi. 25-turdan so‘ng musobaqa jadvali quyidagi ko‘rinishni olgan:
Izoh (0)