Ijtimoiy tarmoqlarda Vernadskiy nomidagi Qrim federal universitetining uchinchi kursida tahsil olayotgan o‘zbekistonlik bir guruh talabalarning Shavkat Mirziyoyevga yo‘llagan videomurojaati tarqaldi. Ular o‘qishini O‘zbekistonga ko‘chirishda amaliy yordam so‘ramoqda.
Ma’lumot uchun, Davlat komissiyasining 7-son bayoni bilan Rossiya Federatsiyasining Ukraina bilan chegaradosh Kursk, Bryansk, Belgorod, Voronej, Rostov va Krasnodar hududlaridagi OTMlarida tahsil olayotgan O‘zbekiston fuqarolarining o‘qishini O‘zbekistondagi davlat OTMlariga istisno tariqasida ko‘chirishga ruxsat berilgandi.
Keltirilgan hududlardan farqli o‘laroq, Qrim hududi ham harbiy harakatlarga katta aloqadorligi va hududdagi ko‘p sonli portlashlarni hisobga olgan holda, Qrimda tahsil olayotgan talabalarning ham olib chiqilishi adolatdan bo‘lar edi.Biz bu vaqtga qadar juda ko‘p joylarga murojaat qildik. Xususan, Rostov-Don shahridagi O‘zbekiston bosh konsulxonasiga qilgan murojaatlarimizdan ham hech qanday ijobiy javob ololmayapmiz.
Bunday siyosiy va harbiy harakatlar tufayli bizning taqdirimiz noma’lumligicha qolmoqda. Shularni hisobga olgan holda, bunga befarq bo‘lmaysiz degan umiddamiz va O‘zbekistondagi davlat oliy ta’lim muassasalariga o‘qishimizni ko‘chirishda amaliy yordam berishingizni so‘rab qolamiz. Rahmat, — deydi talabalar nomidan so‘zga chiqqan yigit.
Izoh (1)
Mashiniklar