Madridning “Real” klubi La Liga 13-turi doirasida “Rayo Valyekano”ga qarshi kechgan o‘yinda yutqazib qo‘ydi (2:3) va birinchi o‘ringa qaytish imkoniyatini qo‘ldan chiqardi.
Endilikda “Barselona” 13 o‘yinda 34 ochko to‘plagan holda peshqadam bo‘lib turibdi. “Real” hisobida 32 ochko bor.
Shu tariqa katalonlar ikki yil deganda ilk bor Ispaniya chempionati musobaqa jadvalida yakka holda yetakchilik qilmoqda. Bunaqasi Xavi qo‘l ostidagi jamoada ilk bor kuzatildi. Bundan avval oxirgi marta “Barselona” 2020-yilning sentabr oyida musobaqa jadvalida yakka peshqadam bo‘lgandi. O‘shanda jamoaga Ronald Kuman murabbiylik qilardi.
Agar “Barselona” 14-turda “Osasuna”ni yengadigan bo‘lsa, u holda tanaffusga yetakchi sifatida chiqishni kafolatlaydi.
“Barselona” va “Osasuna” jamoalari o‘rtasidagi o‘yin 8-noyabrdan 9-noyabrga o‘tar kechasi 01:30 da boshlanadi.
Izoh (0)