Bugun,

  • USD 11095.31
  • RUB 173.84
  • EUR 10772.44

Andijon viloyatining Shahrixon tumani xalq ta’limi bo‘limi mudiri Javlon Mamatqodirov tumandagi ayrim maktab direktorlarini haromxo‘rlar deya haqorat qildi. Bu haqda “Daryo” muxbiri xabar berdi.

Ta’kidlanishicha, XTB mas’uli direktorlarni ko‘chat ekmaslikda ayblagan.

Hurmatli direktorlar, ustozlar.

Bir narsaga men amin bo‘lyapman va afsuslanyapman. Ba’zi bir maktab direktorlarimiz shu darajada yolg‘onchi, afirist, haromxo‘r ekanki, bu yog‘iga gap topolmayapman.

Shanba kuni, o‘tgan hafta hamma maktablarda, rahmat zo‘r tashkil qilganlar, butun boshli bog‘ tashkil qilib qo‘yganlar bor. Yuzta, ikki yuzta, kamida ellikta ko‘chat ekkanlar bor. Lekin ba’zi bir haromxo‘r direktorlar, shunaqa deyishga majburman. Ba’zi birlaringga yomon tegmasin, uzr ustozlar. Lekin shu gaplarni aytishga majburman.

Shaxsan yurib, aylanib ko‘ryapman. Shanba kuni uch dona ko‘chat ekibdi. Insofsiz, o‘zini yolg‘on gapirib, haromdan oylik olib yeb yurgan ifloslar uch dona ko‘chat ekkan. Ba’zi bir maktablar, umuman ekmaganlari ham bor. Hali ularga ham yetib boraman. Hisob kitobingizni qiling. Qaysi maktab ekmagan yoki uch-to‘rt dona “pokazuxa”ga ekib qo‘yib, meni aldamoqchi bo‘lganlar baribir yetib borib, sharmandangizni chiqaraman. Bu hafta shanba kuni yana tayyorgarligingizni qiling. Qaysi maktab bo‘lishidan qat’i nazar bir dona ko‘chat sig‘adigan joyim yo‘q, qolmadi deguncha ekasiz. Xohlasangiz bir haftada tugatib qo‘ying, xohlasangiz o‘n haftada tugating. Lekin tugatmaguncha ekasiz, — deydi direktorlarni haqorat qilgan XTB mudiri.

Viloyat xalq ta’limi boshqarmasi mas’ullari holat nazoratga olinganini, o‘rganilayotganini ma’lum qilgan.
Ijtimoiy tarmoqlarda “Shahrixon tumani xalq ta’limi bo‘limi mudiri tomonidan ko‘chat ekish tadbirida faollik ko‘rsatmagan direktorlarni haqorat qilmoqda”, sarlavhali xabarlar tarqalgan bo‘lib, holat viloyat xalq ta’limi boshqarmasi tomonidan nazoratga olinganligini ma’lum qilamiz.

Shu o‘rinda viloyat xalq ta’limi boshqarmasi tizimdagi tuman, shahar xalq ta’limi bo‘limlari va viloyatdagi ta’lim muassasalarining birortasiga daraxt ko‘chatlarini xarid qilib, ularni ekish to‘g‘risida topshiriq va ko‘rsatmalar bermaganligini ta’kidlab o‘tamiz. O‘rganish yakunlariga ko‘ra batafsil ma’lumot beriladi, — deyiladi mas’ullar izohida.

Ma’lum bo‘lishicha, Javlon Mamatqodirov 2022-yilning iyun oyidan buyon bo‘limga rahbarlik qilib kelmoqda. Unga qadar u to‘rt yil davomida Shahrixon tumani hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimida faoliyat yuritgan.

Izoh
Asosiy yangiliklar
Maslahatlar
Qishda kasal bo‘lmaslikning sinalgan 5 ta usuli
Mahalliy
“O‘zbekiston milliy elektr tarmoqlari” boshqaruvi raisi va yana 3 mas’ulga hayfsan berildi
Dunyo
“Rossiya bahorda yangi hujum boshlash uchun Ukrainadagi urushni muzlatmoqchi” — Stoltenberg