Saudiya Arabistoni sharqidagi Ash Sharqiya provinsiyasida Harbiy havo kuchlarining qiruvchi samolyoti halokatga uchradi. Bu haqda Saudiya Arabistoni matbuot agentligi qirollik mudofaa vazirligi rasmiy vakili brigada generali Turki al-Malikiyning bayonotiga tayanib xabar berdi.
Xabarga ko‘ra, F-15S qiruvchi samolyoti texnik nosozlik tufayli o‘quv parvozi vaqtida halokatga uchragan. Hodisa Dahron shahridagi aviabaza yaqinida yuz bergan.
Ikki uchuvchi parashyutda sakrashga muvaffaq bo‘lgan va jarohatlar olmagan. Samolyot halokatidan yerdagi odamlar yoki binolarga zarar yetmagan.
Voqea holatlarini o‘rganish bo‘yicha komissiya ish boshlagan.
Izoh (0)