Shavkat Mirziyoyev raisligida 7-noyabr kuni o‘tkazilgan, sanoatni rivojlantirish masalalariga bag‘ishlangan videoselektor yig‘ilishida zargarlikda ham imkoniyatlar juda kengligi, mamlakatda 300 million dollarlik ichki bozor borligi ta’kidlandi.
Qayd etilishicha, bu talabni bemalol mahalliy zargarlar qondirishi mumkin. Shu sababli ularni qo‘llab-quvvatlash uchun 1-dekabrdan boshlab:
- oltin va kumushga kechiktirib to‘lash uchun barcha banklar va Eksportni rag‘batlantirish agentligi kafolatlari qabul qilinadi;
- kafolat olish imkoniyati yakka tartibdagi zargarlar uchun ham yaratiladi;
- oltin, kumush va zargarlik uchun zarur boshqa xom ashyolarni qayta ishlash uchun vaqtincha olib kirish va olib chiqishda litsenziya talabi bekor qilinadi;
- zargarlar ishlatadigan qimmatbaho va bezak toshlari bojxona to‘lovlaridan ozod qilinadi;
- 10 ming dollargacha bo‘lgan zargarlik buyumlarini chetga olib chiqishga ruxsat beriladi (hozir 5 minggacha ruxsat berilgan).
Mavzuga doir:
- O‘zbekistonga Turkiya, Eron va Belgiyadan to‘qimachilik bo‘yicha mutaxassislar olib kelinadi
- O‘zbekiston mutasaddilariga Yevropaga 2023-yilda sanoat eksporti hajmini 700 mln dollarga yetkazish vazifasi qo‘yildi
- O‘zbekistonning 3 ta viloyatida sanoatga ajratilgan pullarning 40 foizi ham o‘zlashtirilmagani tanqid qilindi
Izoh (0)