Salqin kuzda tushlik uchun mazali ta’mga ega sho‘rvani iste’mol qilish juda yoqimli. Agar vazn yo‘qotishni mo‘ljallayotgan bo‘lsangiz tanadagi yog‘larni eritishga yordam beradigan sho‘rvalarni tayyorlab ko‘rishingiz mumkin. Marie Claire nashri ozishga yordam beradigan sho‘rva retseptlarini taqdim etdi.
Tovuq go‘shti sho‘rvasi qo‘shib tayyorlanadigan qovoqli sho‘rva retsepti
Kerakli masalliqlar:
- qovoq — o‘rtacha kattalikdagi 1 dona
- yog‘siz tovuq sho‘rvasi — 4 stakan
- piyoz — 1 dona maydalangani
- zanjabil — 1 qoshiq maydalangani
- olma — 1 dona po‘sti tozalanib to‘g‘ralgani
- muskat yong‘og‘i — 1 chimdim maydalangani
- tarxun o‘simligi — yarim qoshiq
- zaytun yog‘i, tuz, murch — ta’bga ko‘ra
- Pechni 180 daraja haroratda qizdirib oling.
- Qovoqni teng yarmiga bo‘ling va urug‘larni olib tashlang. Uning yarmiga zaytun yog‘ini surting, ustiga yong‘oq, tuz va murch seping. Qovoqni listga qo‘ying va 35-40 daqiqa davomida pishiring. Keyin sovitish uchun boshqa joyga olib qo‘ying.
- Katta idishni o‘rtacha olovda qizdirib oling. Unga to‘g‘ralgan piyoz va olmani solib 3-5 daqiqa pishiring.
- Qovoq yetarlicha sovigandan so‘ng, qovoqning mag‘zini qirg‘ich yordamida qirib oling yoki katta blenderga soling. Ustiga qovurilgan piyoz va olmani qo‘shing. Hamma mahsulotlarning ustiga 2 stakan sho‘rvani soling va mahsulotlar suyuq holatga kelguncha aralashtiring.
- Pyureni idishga soling va ustiga qolgan sho‘rvani solib qaynatib oling. Unga yana bir oz tuz, murch va muskat yong‘og‘ini qo‘shing. Sho‘rvaning ustiga o‘zingizga yoqqan ko‘katlarni qo‘shishingiz mumkin.
Kerakli masalliqlar:
- qiyma — 450 g
- tuxum — 2 dona
- piyoz — 1 dona to‘g‘ralgani
- sabzi — 2 dona tozalangani va maydalangani
- seldrey — ta’bga ko‘ra
- yog‘siz tovuq sho‘rvasi — 8 stakan
- non bo‘laklari — yarim stakanning yarmi miqdorida
- qattiq pishloq — yarim stakan
- zaytun yog‘i — yarim qoshiq
- tuz va murch — ta’bga ko‘ra
- Chuqurroq idishda qiyma, tuxum, non bo‘laklari, pishloq, tuz va murchni aralashtirib oling. Aralashmani frikadelkalarga aylantiring.
- Zaytun yog‘ini kattaroq idishda o‘rta olovda qizdirib oling.
- Piyoz, sabzi va seldereyni qozonga solib, taxminan 5 daqiqa qaynatib oling.
- Sabzavotlarning ustiga sho‘rvani soling va qaynatib oling.
- Issiqlikni minimal darajaga tushiring va unga frikadelkalarni qo‘shing. Go‘sht tayyor bo‘lgunga qadar 8-10 daqiqa davomida pishiring.
- Agar xohlasangiz sho‘rvaga ko‘proq tuz va murch qo‘shib dasturxonga torting.
Kerakli masalliqlar:
- mayda qo‘ziqorin — 400 g
- kokos suti — 1 stakan
- kokos yog‘i — 3 qoshiq
- piyoz — 1 dona mayda to‘g‘ralgani
- sarimsoq — 1 donacha
- un — bir stakanning to‘rtdan bir qismi miqdorida
- yog‘siz tovuq sho‘rvasi — 2 stakan
- muskat yong‘og‘i — bir stakanning to‘rtdan bir qismi miqdorida
- tuz va murch — ta’bga ko‘ra
- tog‘ jambil — yarim qoshiq
- Kokos yog‘ini katta idishda o‘rtacha olovda qizdirib oling.
- Unga qo‘ziqorin, piyoz va sarimsoqni qo‘shing. Vaqti-vaqti bilan aralashtirib, taxminan 5 daqiqa pishiring.
- Mahsulotlarga un, tovuq sho‘rvasi, kokos suti qo‘shib yana 5 daqiqa pishiring.
- Sho‘rvaga muskat yong‘og‘i, tuz, murch, tog‘ jambil qo‘shib qaynatib oling.
- Sho‘rvadagi mahsulotlarni ezish uchun blenderdan foydalaning.
Kerakli masalliqlar:
- yasmiq (chechevitsa) — 1 stakan yashil yoki qizil rangli
- qovoq — 1 banka konservalangani yoki 450 g
- oq piyoz — 1 dona
- sabzi — 1 dona tozalangan va to‘g‘ralgani
- zanjabil — yarim qoshiq maydalangani
- zaytun yog‘i — yarim qoshiq
- sarimsoq — 3 donacha
- sabzavotli sho‘rva — 3 stakan
- kokos yong‘og‘i suti — 1 banka
- tuz, murch, ko‘katlar — ta’bga ko‘ra
- Zaytun yog‘ini katta idishga solib o‘rtacha olovda qizdirib oling. Keyin unga piyoz, sabzi va sarimsoqni qo‘shing. Mahsulotlarni 3-5 daqiqa davomida qovuring. Olovni pastlatib zanjabil va karri qo‘shib aralashtiring.
- Idishga sho‘rva, kokos yong‘og‘ining suti, yasmiq, qovoq pyuresi, tuz va murch soling.
- Mahsulotlarni qaynagandan keyin olovni yana pasaytiring va 30 daqiqa qaynatib oling.
- Sho‘rvani dasturxonga tortishdan oldin ko‘katlar bilan bezating.
Izoh (0)