Jizzax viloyati Forish tumanida sug‘oriladigan yer maydonining noqonuniy savdosi oldi olindi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Qayd etilishicha, Bosh prokuratura huzuridagi departamentning Forish tumani bo‘limi tomonidan tezkor tadbir o‘tkazilgan. Unda fuqaro Z.R. fuqaro N.A.ning ishonchiga kirib, unga o‘zining onasi A.B.ga dehqon xo‘jaligi yuritish uchun ajratilgan 0,35 gektar suvli yer maydonini 14 million so‘mga sotishga kelishib, 1 200 dollarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 229-6-moddasi (sug‘oriladigan yer uchastkasiga yoki uning bir qismiga bo‘lgan huquqni sotish yoxud qonunga xilof ravishda boshqacha tarzda o‘zga shaxsga berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)