O‘zbekiston bo‘yicha transportlarga texnik xizmat ko‘rsatish ishlari eng ko‘p Andijonda amalga oshirilgan

Davlat statistika qo‘mitasi O‘zbekistonning qaysi hududida avtomobil va mototsikllarga texnik xizmat ko‘rsatish, ta’mirlash eng ko‘p amalga oshirilgani bo‘yicha ma’lumot berdi.

Ta’kidlanishicha, 2022-yilning yanvar-sentyabr oylari davomida shahar va tumanlar o‘rtasida Andijon shahrida avtomobil va mototsikllarga texnik xizmat ko‘rsatish, ta’mirlash bo‘yicha yuqori ko‘rsatkich qayd etilgan. Bu yerda joriy yilning o‘rganilayotgan davridagi hajm 137 milliard 618,1 million so‘mga yetgan.

Avtomobillar va mototsikllarga texnik xizmat ko‘rsatish, ta’mirlash bo‘yicha ko‘rsatilgan xizmatlarning eng yuqori hajmi kuzatilgan shahar va tumanlar o‘ntaligi:

• Andijon shahri – 137 milliard 618,1 million so‘m;
• Zangiota tumani – 92 milliard 28,4 million so‘m;
• Samarqand shahri – 83 milliard 404 million so‘m;
• Urganch shahri – 65 milliard 331,1 million so‘m;
• Buxoro shahri – 54 milliard 950,4 million so‘m;
• Yunusobod tumani – 53 milliard 761,5 million so‘m;
• Chilonzor tumani – 52 milliard 29,9 million so‘m;
• Mirobod tumani – 51 milliard 641,5 million so‘m;
• Yashnobod tumani – 49 milliard 936,6 million so‘m;
• Sergeli tumani – 47 milliard 747,7 million so‘m.