Twitter’ning yangi egasi Ilon Mask pulli shaxsiy xabar almashishni joriy etishni ko‘rib chiqmoqda, deb yozdi The New York Times ikki manba va ichki hujjatlarga tayanib.
Bu foydalanuvchilarga nominal to‘lov evaziga taniqli shaxslarga shaxsiy xabarlar yuborish imkonini beradi.
Shuningdek, yana bir yangilik — Twitter'da alohida videolar uchun to'lov joriy etish rejalashtirilmoqda.
Bundan tashqari, Mask yosh auditoriyani jalb qilish uchun olti soniyali videolar yaratish imkonini beruvchi Vine ilovasini qayta ishga tushirishni ko‘rib chiqmoqda.
Ayni paytda, Wall Street Journal nashrining yozishicha, bir qator kompaniyalar, jumladan General Mills Inc., Pfizer Inc., Audi, Volkswagen AG Twitter’da reklamani to‘xtatganini ma’lum qilgan. Reklama beruvchilar rahbariyatning ijtimoiy tarmoqdan ketishi va Maskning kontentni moderatsiya qilish rejalaridan xavotirda.
Izoh (0)