Futbol bo‘yicha Chempionlar Ligasining 6-turidan o‘rin olgan o‘yinlar 2-noyabr, chorshanba kuni bo‘lib o‘tdi.
“Manchester Siti” o‘z maydonida “Sevilya”ni qabul qildi va 3:1 hisobida zafar quchdi. “Shaharliklar” safida Riko Lyuis, Xulian Alvares va Riyod Mahrezlar gol mualliflariga aylandi. Ispan klubi safida esa Rafa Mir o‘z hisobiga gol yozdirib qo‘ydi.
G guruhining ikkinchi o‘yinida “Borussiya D” “Kopengagen” bilan durang o‘ynadi.
Shu tariqa “Manchester Siti” 14 ochko jamg‘argan holda guruhni 1-o‘rin bilan yakunladi. “Borussiya D” esa 9 ochko bilan 2-o‘rinni band etdi. “Sevilya” 5 ochko bilan Yevropa Ligasiga yo‘llanma beruvchi 3-o‘rinni egalladi.
YChL
6-tur bahslari
2-noyabr, chorshanba
“Manchester Siti” – “Sevilya” 3:1
Gollar: 0:1 – 31 Rafa Mir, 1:1 – 52 Lyuis, 2:1 – 73 Alvares, 3:1 – 83 Marez.“Manchester Siti”: Ortega, Lyuis (Joau Kanselu, 85), Laport, Ruben Diash, Serxio Gomes (Uilson-Esbrand, 70), Gundo‘g‘an (Bernardu Silva, 57), Foden, Palmer (de Bryuyne, 70), Grilish (Rodri, 46), Marez, Alvares.
“Sevilya”: Bunu, Montel, Rekik, Markao Teysheyra (Gudel, 45), Karmona, Akunya (Telles, 46), Isko (Lamela, 57), Rakitich (Jordan, 67), Dileyni, Gomes (Suso, 46), Rafa Mir.
Izoh (0)