O‘zbekistonda tibbiyot xodimlarini ham bodi-kamera bilan ta’minlash taklif etildi

Oliy Majlis Qonunchilik palatasi deputati Qizilgul Qosimova tibbiyot xodimlarini bodi-kamera bilan ta’minlashni taklif qildi.

“Nazarimda, tibbiyot xodimlari ham bodi-kamera bilan ta’minlanishi lozim. Masalan, ichki ishlar organlari xodimlarida ana shunday moslamalar mavjud. Ayni paytda 3 ming nafarga yaqin tibbiyot xodimi mavjud deb hisoblasak, ushbu masalani hal qilish katta mablag‘ talab qilmasa kerak. Aksincha, bu orqali fuqarolarning ham, tibbiyot xodimining ham mas’uliyati oshadi, zo‘ravonliklarga barham beriladi, deb o‘ylayman”, — degan u.

Deputat tibbiyot xodimlariga tajovuz qilish holatlar ko‘payib borayotganini qayd etib, bunday holatning oldini olishdagi eng asosiy va samarali yo‘llardan biri noqonuniy xatti-harakatlar uchun javobgarlikni kuchaytirish, ularni bezorilik sifatida kvalifikatsiya qilish zarurligini bildirgan.

Shuningdek, yo‘llarda tez yordam mashinasiga yo‘l bermaslik holatlariga nisbatan jarimalar hajmini ko‘paytirish kerakligini aytgan.

Mavzuga doir: O‘zbekistonda tibbiyot xodimi faoliyatiga aralashganlik uchun javobgarlik belgilanmoqda