“Jamiyatda mulkka haqiqiy egalik hissini shakllantiramiz”. Iqtisodiy forumda davlat aktivlarini xususiylashtirish masalasi muhokama qilindi

3-noyabr kuni Samarqand shahrida O‘zbekiston iqtisodiy forumi o‘z ishini boshladi. Xalqaro tadbirda mingdan ortiq xorijiy va mahalliy iqtisodiy blok vakillari, investorlar va ekspertlar ishtirok etmoqda.

“Daryo” muxbiri bilan suhbatlashgan Davlat aktivlarini boshqarish agentligi direktori Akmalxon Ortiqov davlat tasarrufiydagi mulklarni xususiylashtirish jarayoniga to‘xtalib o‘tdi.

Xususiylashtirish o‘z nomi bilan davlat egaligidagi mol-mulk va aktivlarni tadbirkorlarning, haqiqiy egalarining qo‘liga topshirish deyiladi. Bu tadbirkorlikni rivojlantiradigan eng katta instrument hisoblanadi.

Buning orqasidan biz jamiyatda haqiqiy egalik hissini yaratamiz. Ikkinchi tomondan, ko‘plab davlat ishtirokidagi korxona va mulklarni to‘lov evaziga sotish orqali budjetga ma’lum bir tushum bo‘ladi, bu esa iqtisodiy o‘sishga ta’sir ko‘rsatadi.

Iqtisodiy o‘sish qandaydir omillarni berish, joriy etish orqaligini bo‘ladi, o‘zidan-o‘zi o‘sish bo‘lmaydi. Qandaydir mablag‘ va resurslarni jalb etish kerak. Shu yo‘nalishda ham xususiylashtirish o‘z hissasini qo‘shadi, — deydi Akmalxon Ortiqov.

O'zbekiston Respublikasi Koronavirus pandemiyasidan keyin yana bir katta muammoga duch keldik. Jahon iqtisodiyotida katta noaniqlik yuzaga keldi. Geosiyosiy vaziyat juda ham ziddayatli. Tovar va xizmatlar aylanishida uzilishlar bor. Oziq-ovqat mahsulotlari narxi oshyapti. Inflyatsiya yuqori, ayniqsa rivojlangan davlatlarda. Energiya resurslarining narxi oshib ketgan.

Mana shu sharoitda maktoiqtisodiy siyosat, pul-kredit siyosati, soliq budjeti siyosati qanday bo‘lishi kerak? Shu savollarga javob olmoqchimiz forum doirasida.