Tvorog qo‘shib tayyorlanadigan shirinlik mazali ta’mga ega. Pishiriqqa tvorogning o‘rniga murabbo yoki mevali krem qo‘shib tayyorlasangiz ham bo‘ladi.
Xamiri uchun kerakli masalliqlar:
- sariyog‘ — 100 g
- sut — 250 ml
- tuz — yarim qoshiq
- un — 150 g
- tuxum — 5 dona
- tvorog — 350 g
- vanilin — ikki qoshiq
- shakar kukuni — 160 g va ustiga sepish uchun
- sariyog‘ — 120 g
- O‘rtacha kattalikdagi idishga o‘simlik yog‘i, sut va tuz qo‘shib aralashtiring. Uni o‘rtacha balandlikdagi olovga qo‘yib qaynatib oling.
- Mahsulotlarga unni qo‘shing. Uni 2-3 daqiqa davomida aralashtirib, xamir bo‘lguncha va pastki qismida oq qoplama hosil bo‘lguncha pishiring.
- Xamirni boshqa idishga soling va 10-15 daqiqa sovishini kuting.
- Xamirga birma-bir tuxumni qo‘shing, massani yog‘och katta qoshiq bilan sekin aralashtiring. Keyingi tuxumni solingan tuxum aralashib ketgandan keyin qo‘shing.
- Pechni 200 daraja haroratda qizdirishga qo‘ying. Listni pergament qog‘oz bilan qoplang.
- Xamirni uchi “yulduzcha” shaklidagi qolipga quyib oling. Pergament qog‘ozga 10 sm uzunlikdagi xamir chiziqlarini qo‘ying, ular orasida 3-4 sm masofa qoldiring.
- Shirinlikni 25-30 daqiqa davomida qizargunga qadar pechda pishirib oling. Ekler pishayotgan vaqtda pechning og‘zini ochmang. Pishgandan so‘ng shirinliklarni sovitib oling.
- Tvorogni blender bilan aralashtirib oling va unga vanilin, shakar kukunining yarmini qo‘shing.
- Muzlatilgan sariyog‘ni mikser bilan arashtirib, massa ko‘tarilishiga qadar kuting, unga qolgan shakar kukunini solib aralashtiring.
- Tvorogli massani sariyog‘ bilan aralashtirib oling. Massani ingichka qolipga soling va xamirning ichiga quying.
- Shirinlikning har biriga massani solib chiqing. Eklerning ichiga o‘zingizga yoqqan murabbo yoki kremni solishingiz mumkin. Dasturxonga tortishdan oldin shirinlikning ustiga shakar kukunini seping.
Mavzuga doir:
Izoh (0)