Bugun,

  • USD 11095.31
  • RUB 173.84
  • EUR 10772.44

“Barselona” prezidenti Xoan Laporta 2023-yilda Lionel Messi yoki Bernardu Silva bilan shartnoma imzolashni xohlamoqda.

Kollaj: “Daryo”

Kollaj: “Daryo”

Diario Sport nashrining xabariga ko‘ra, kataloniyaliklar rahbariyati yana bir jahon darajasidagi yulduzni xarid qilmoqchi. “Barselona” Chempionlar Ligasidagi yurishini to‘xtatgandan so‘ng rahbariyat tarkibga tajribali futbolchilar kerakligini anglab yetgan. Ularning fikricha, tarkibda yosh va yaxshi futbolchilar yetarli, biroq faqatgina Robert Levandovski ulardan ajralib turadi.

Shu sababli “Barselona” hozirda “PSJ” sharafini himoya qilayotgan Lionel Messini ortga qaytarishga yoki “Manchester Siti” a’zosi Bernardu Silva bilan shartnoma imzolashga harakat qiladi.

Bunday darajadagi futbolchini qo‘lga kiritish uchun “Barselona” keng ko‘lamli ishlarni bajarishi kerak. Birinchidan, klub uchala sardor — Serxio Buskets, Xerard Pike va Xordi Alba bilan xayrlashishi lozim. Ikkinchidan, “Barselona” qimmatroq futbolchilaridan birini sotishi lozim va shu nuqtayi nazardan yana e’tibor Frenki de Yongga qaratilishi mumkin. Uchinchidan, kataloniyaliklar liboslar, finjon va boshqa sovg‘alarni sotishga mas’ul bo‘lgan Barca Licensing and Merchandising (BLM) huquqlarini sotish orqali so‘nggi moliyaviy dastakni faollashtirishi mumkin.

“Barselona” La Liganing taqiqlariga qo‘yilmasidan oldin, qishdayoq Messi yoki Silva bilan shartnoma imzolashni xohlagandi. Iqtisodiy dastaklar faollashtirilgandan so‘ng “ko‘k-anorranglilar”dan moliyaviy to‘siqlar olib tashlandi. Avval “Barselona” La Liga tomonidan qo‘yilgan to‘siq (1/4, ya’ni daromad qilingan 4 yevroning 1 yevrosini ishlatish mumkin) asosida ish ko‘rgan bo‘lsa, yozdan buyon jamoa 1/1 ko‘rinishidagi (har bir ishlab topilgan yevroni sarflash mumkin) qoidaga amal qilishni boshladi. 2023-yil yozida “Barselona” yana 1/4 qoidasiga qaytadi.

Biroq jamoa qishki transfer oynasida bunday transferni amalga oshirish imkonsizligini anglab turibdi.

Yozda esa Messining “PSJ” bilan shartnomasi yakuniga yetadi, Bernardu esa “Manchester Siti”dan ketishi mumkin. Shu sababli “Barselona” yozga moliyaviy tayyorgarlik ko‘rmoqchi va Messi yoki Silva transferi iloji bor bo‘lgan moliyaviy holatga erishishga ishonmoqda.

Jamoa yanvarda Serxio Busketsning o‘rnini bosuvchi yarim himoyachi va o‘ng qanot himoyachisi sotib olish istagida.

Izoh
Asosiy yangiliklar
Dunyo
“AQSHning O‘zbekistonda harbiy bazasi yo‘q va kelgusida ham bu yerda harbiy baza yaratish bo‘yicha reja yo‘q” — elchi Jonatan Xenik
Dunyo
“Haqiqiy ekotsid!” — Zelenskiy Kaxovka GESi portlatilganiga munosabat bildirdi (video)
Mahalliy
“Biz AQSH e’lon qilgan sanksiyalar O‘zbekistonning iqtisodiy imkoniyatlari va sohalariga zarar yetkazmasligi uchun qo‘limizdan kelgan hamma ishni qilamiz” — elchi