Londonning “Arsenal” jamoasi Angliya Premyer Ligasida yetakchilik qilmoqda.
“Kanonirlar” ortda qolgan 12 turdan so‘ng 31 ochko jamg‘argan holda musobaqa jadvalida 1-o‘rinda bormoqda. Bu klub tarixidagi eng yaxshi start hisoblanadi.
Londonliklarning afsonaviy murabbiyi Arsen Venger davrida ham bunday start bo‘lmagan. Venger boshchiligidagi “Arsenal”ning mag‘lubiyatsiz mavsumida (2003/04-yilgi mavsum) ham jamoa 12 turdan so‘ng 30 ochko jamg‘argan.
“Arsenal”ning joriy mavsumdagi eng yaqin ta’qibchisi “Manchester Siti”da 29 ochko mavjud. Mikel Arteta shogirdlari keyingi turda London derbisida “Chelsi” maydoniga safar qiladi. Uchrashuv 6-noyabr kuni bo‘lib o‘tadi.
Izoh (0)