Ukraina bosh prokurori Andrey Kostin urush boshlanganidan beri qurbon bo‘lganlar va vayronagarchiliklar haqida ma’lumot berdi.
“Bizning ma’lumotlarga ko‘ra, 7938 nafar tinch aholi halok bo‘lgan, ulardan 430 nafari bolalardir. 10 ming 897 nafar yarador bor, ammo alohida ta’kidlayman, bular jinoyat protsessi materiallaridagi rasmiy, tasdiqlangan ma’lumotlar, xolos.
Ishg‘ol qilingan hududlarga kirishning iloji yo‘q. Masalan, Mariupolda sodir bo‘lgan va sodir bo‘layotgan voqealar haqida to‘liq tasavvurga ega emasligimizni hisobga olsak, biz bu ko‘rsatkichlar qanchalik dahshatli ekanini taxmin qilishimiz mumkin”, — deydi bosh prokuror.
Vayronagarchiliklar bo‘yicha rasmiy statistik ma’lumot
- 51 412 ta fuqarolik infratuzilmasi obyekti vayron bo‘lgan, shundan
- 41 184 tasi turar joy bino va inshootlari;
- 2688 tasi ta’lim muassasalari (331 tasi butunlay vayron bo‘lgan);
- 389 tasi tibbiyot muassasasi;
- 392 tasi madaniyat binolari;
- 8 tasi diniy muassasalar;
- 5051 tasi aholi ehtiyojlarini ta’minlovchi tarmoqlar (bular gaz, suv quvurlari va elektr tarmoqlari);
- 2407 tasi boshqalar.
Izoh (0)