Rossiyada qisman safarbarlik doirasidagi barcha tadbirlar, shuningdek, chaqiruv qog‘ozlarini tayyorlash va yetkazib berish to‘xtatildi. Bu haqda Mudofaa vazirligi xabar berdi, deb yozmoqda “TASS”.
“Fuqarolarni harbiy xizmatga chaqirish bilan bog‘liq barcha tadbirlar, xususan, chaqiruv qog‘ozlarini tayyorlash va yetkazib berish to‘xtatildi”, — deyiladi vazirlik xabarida.
Ta’kidlanshicha, harbiy komissarliklarning Rossiya Qurolli kuchlariga yollash bo‘yicha keyingi ishlari faqat shartnoma bo‘yicha ko‘ngillilar va harbiy xizmatga nomzodlarni qabul qilish yo‘li bilan tashkil etiladi. Ya’ni kelgusida harbiy ro‘yxatga olish komissiyalari harbiy xizmatga faqat shartnoma bo‘yicha ko‘ngillilar va nomzodlarni qabul qiladi.
Tegishli hisobotlar 1-noyabrga qadar taqdim etilishi ko‘rsatib o‘tilgan.
Izoh (0)