Farg‘ona shahrida xalqaro Markaziy Osiyo tibbiyot universiteti — Central Asia Medical University oliygohining ochilish marosimi bo‘lib o‘tdi. Bu haqda “Daryo” muxbiri Azizjon Ermatov xabar bermoqda.
Qayd etilishicha, yangi oliy ta’lim muassasasi qurilishi va jihozlash ishlariga 128 milliard so‘m mablag‘ sarflangan.
“Meridian Diagnostic Hospital” MCHJ muassisligida tashkil etilgan ushbu oliygohga joriy yilda davolash ishi, stomatologiya va pediatriya yo‘nalishlarida 600 nafar talaba qabul qilingan.
Kelgusi o‘quv yilidan boshlab 1 ming 500 nafar talaba o‘qishga qabul qilinishi rejalashtirilgan.
Oliygohda respublikada tibbiyot sohasida ko‘zga ko‘ringan professor-o‘qituvchilar, malakali xorijlik mutaxassislar ta’lim beradi.
Tadbir davomida “Talabalikka bag‘ishlov” tadbiri o‘tkazilib, universitetning 1-kurs talabalari talabalik qasamyodini qabul qildi.
Ma’lumot uchun, Farg‘ona viloyatidagi oliy ta’lim muassasalari soni 12 taga yetdi. Tez orada Qo‘qon shahrida oziq-ovqat texnologiyasi va muhandisligi xalqaro instituti tashkil etiladi.
Izoh (0)