Surxondaryo viloyatining Sho‘rchi tumanida maktab binosi Prezident ta’lim muassasalari agentligi tasarrufidagi ixtisoslashtirilgan maktabga aylantirilishi munosabati bilan yopilib, maktab o‘quvchilari maktabsiz qolgani aytilmoqda. Bu haqda “Daryo”ga xabar bergan murojaatchining ma’lumot berishicha, ayni kunda o‘quvchilar xonadonlardan maktab sifatida foydalanib kelmoqda.
Bu holat bir haftadan beri davom etmoqda. Vaziyat haqida Xalq ta’limi vazirligiga ham murojaat qildik. Muammoni aytdik, ammo ular bunga e’tibor bermayapti, — deydi murojaatchi.
Bir haftadan beri o‘quvchilar odamlarning uyida dars o‘tyapti. Lekin hamma ham o‘qiyolmayapti. Ba’zi o‘quvchilar bir haftadan beri maktabga ham chiqmayapti, — deydi murojaatchi.
Aniqlanishicha, tumandagi 66-maktab binosi Prezident ta’lim muassasalari agentligi tasarrufidagi ixtisoslashtirilgan maktabga aylantirilishi munosabati bilan yopilgan va o‘quvchilar ko‘chada qolgan.
Bu maktabimiz avvalroq kollej bo‘lgan edi, kollejlar tugatilgach, maktabga berilgandi. Endi bolalarimiz yaxshi binoga o‘tdi deya xursand bo‘lgandik. Afsuski bu xursandchiligimiz uzoqqa cho‘zilmadi, — deydi u.Mazkur holat yuzasidan mas’ullar hozircha ma’lumot bermagan.
Izoh (0)