Bugun,

  • USD 11095.31
  • RUB 173.84
  • EUR 10772.44

Liz Trass mamlakat tarixidagi rekord hisoblangan qisqa muddatda o‘z lavozimini tark etganidan so‘ng Rishi Sunak Britaniyaning yangi bosh vaziriga aylandi. Ko‘pgina britaniyaliklar uchun bu yangilik kutilmagan bo‘ldi, chunki Sunak yozgi saylovda mag‘lub bo‘lgandi.

Foto: Legion Media

Foto: Legion Media

Siyosatchining tarjimayi holi va turmush tarzi ham qizg‘in muhokamalarga sabab bo‘lmoqda. Sunday Times Rich List 2022-yil ma’lumotlariga ko‘ra, Sunak rafiqasi Akshata Murti bilan birgalikda 730 million funt sterlinglik katta boylikka ega. Bu boyligi 300 million funt sterlingga baholangan qirol Charlz III va qirolicha-konsort Kamillaning boyligidan ikki baravar ko‘p. Parlament a’zosi Nadiya Uittom buni alohida ta’kidlab, ijtimoiy tarmoqlarda shunday yozdi: “U ishchi sinf to‘laydigan “og‘ir qarorlar” haqida gapirganda mazkur raqamlarni eslang”.

Foto: Legion Media

Foto: Legion Media

Qirol singari, Sunak ham monarxning rasmiy qarorgohidan o‘tadigan darajada ta’sir kuchi bo‘lmasa-da, boy ko‘chmas mulk portfeliga ega. Ikki qizning ota-onasi bo‘lgan Rishi va Akshata kamida to‘rtta mulkka egalik qiladi, jumladan Kensington poytaxtidagi 7 million funt sterlinglik besh xonali uy, Yorkshirdagi 2 million funt sterlinglik mulk va Kaliforniyaning Santa Monika shahridagi tog‘ manzarasi ko‘rinib turadigan, 5,5 million funtga baholangan penthaus. Obyektlarning umumiy qiymati 15 million funt sterlingdan oshadi. Taxminlarga ko‘ra, oila vaqtining ko‘p qismini London g‘arbida joylashgan Old Bromptondagi uyda o‘tkazadi, dam olish va bayram kunlarida suzish havzasi, sport zali, yoga studiyasi va tennis korti bo‘lgan Yorkshirdagi Kirbi Sigston qishlog‘idagi mulkiga jo‘nab ketadi.

Britaniyaning yangi bosh vaziri haqiqatda qanchalik boy?

Ko‘chmas mulkdan tashqari, siyosatchi avtoparkka ham sarmoya kiritgan. Qizig‘i shundaki, Sunak o‘z boyligini kamaytirib ko‘rsatish uchun Londonda oilasi bilan “eskirgan” Volkswagen'dan foydalanganini da’vo qilgan. Biroq keyinchalik ma’lum bo‘lishicha, u ularga tegishli to‘rtta mashina ichida eng arzoni ekan. To‘g‘ri, Sunak Kia Rio oldida Sainsbury yoqilg‘i quyish shoxobchasida yonilg‘i yig‘imlari litri uchun 5 pensga tushganini reklama qilish uchun suratga tushgan. Ammo u 94 ming funt sterlingdan boshlanadigan yuqori sifatli Range Rover, Lexus va BMW avtomobillariga ham ega.

Foto: Legion Media

Foto: Legion Media

Yangi bosh vazir kiyim-kechaklarga nisbatan yuqori talablari bilan ham tanilgan. Ayniqsa, uning rafiqasi ko‘p yillarini o‘zining premium kiyim brendiga bag‘ishlagan. Sunakning boyligi uning Trass bilan bo‘lgan qarama-qarshiligining birinchi bosqichida tanqid ostida qolgandi, Liz Trass nisbatan ommabop Claire’s Accessories do‘konining 4,50 funt sterlinglik sirg‘alarini taqib olganida, hamkasbi Sunak 450 funtlik Prada mokasinalarini kiyib yurganini ta’kidlagan.

Rishining, shuningdek, 180 funt sterlinglik “aqlli” kofe krujkasi borligini ham eslatib o‘tgan, bunga nisbatan ko‘plab ijtimoiy tarmoq foydalanuvchilari inqiroz paytida kambag‘al oilalar uchun yashash narxi nima ekanligini bilmasligini yozishgandi. Mish-mishlarga ko‘ra, ichimlikni issiq ushlab turadigan mazkur idish Akshataning Rishiga Rojdestvo sovg‘asi bo‘lgan.

Foto: Legion Media

Foto: Legion Media

Joriy yil boshida Rishi Sunak rafiqasining doimiy yashash joyi bo‘lmaganlar maqomiga da’vo qilishga qaror qilganidan so‘ng, uning soliq ishlarini himoya qilishga majbur bo‘ldi, ya’ni u bu maqomga erishsa, xorijdagi daromadlari uchun Buyuk Britaniya soliqlarini to‘lashi shart emas edi. BBC’ning taxmin qilishicha, Akshata Buyuk Britaniya soliqlaridan yiliga 2,1 million funt sterling to‘lamaslik uchun shunday qilgan. Bu esa Sunakning yoqimsiz sirlaridan biridir. “Ko‘pchilikning fikricha, bu turmush o‘rtog‘imning kansler lavozimiga to‘g‘ri kelmas ekan. Men Britaniyaning adolat tuyg‘usini tushunaman va qadrlayman. Mening soliq maqomim erimning ishiga yoki oilamga ta’sir qilishini istamayman”, — degan Akshata va moliyaviy mablag‘larini qayta ishlashning mazkur sxemasidan voz kechgan.

Mavzuga doir: Hind go‘zalligi: Britaniya bosh vaziri Rishi Sunakning katta boylikka ega rafiqasi haqida nimalarni bilamiz?

Izoh
Asosiy yangiliklar
Madaniyat
Bir-biriga mutlaqo qarama-qarshi rollarni o‘ynab, tomoshabinlarni ishontira olgan aktyor va aktrisalar (foto)
Dunyo
“KamAZ”da harbiylarni bosib ketgan: Qozog‘istonda yanvar voqealari ishtirokchisi 17 yilga qamaldi (video)
Mahalliy
O‘zbekistonda koronavirusga chalinganlar soni yana oshdi: so‘nggi sutkada 141 kishida kasallik qayd etildi