O‘zbekiston—Turkiya ko‘p qirrali sheriklikni rivojlantirish yo‘llari belgilab olindi, deb xabar bermoqda Investitsiyalar va tashqi savdo vazirligi matbuot xizmati.
Qayd etilishicha, 29-oktabr kuni hukumat delegatsiyasining Turkiyaga tashrifi Jamshid Xo‘jayev xorijlik hamkasblari bilan qator ikki tomonlama uchrashuv va muzokaralar o‘tkazdi. Asosiy e’tibor ustuvor tarmoqlardagi hamkorlikning bugungi holati va uni rivojlanish istiqbollariga qaratildi.
Turkiya savdo vaziri Mehmet Mush bilan uchrashuvda savdo tuzilmasini diversifikatsiya qilish doirasida hamkorlikni faollashtirishga kelishib olindi. Qishloq va o‘rmon xo‘jaligi vaziri Vahit Kirishji bilan muzokaralar chog‘ida qishloqlarni rivojlantirish, jumladan, chorvachilik, parrandachilik, dehqonchilik, sut va go‘sht yetishtirish sohalarida loyihalar va tashabbuslarini qo‘llab-quvvatlash hamda amalga oshirilishiga grantlar ajratish bo‘yicha Turkiya tajribasini O‘zbekistonda qo‘llashga asosiy e’tibor qaratildi.
Transport infratuzilmasini rivojlantirish bo‘yicha hamkorlikni faollashtirishga kelishildi.
Atrof-muhit, shaharsozlik va iqlim o‘zgarishlari vaziri Murat Kurum bilan uchrashuvda ijtimoiy uy-joy qurilishi loyihasini amalga oshirish bo‘yicha Turkiya tajribasini O‘zbekistonda qo‘llash, shuningdek, aholi salomatligi punktlari va Orol bo‘yi hududida bandlikni oshirishga qaratilgan qo‘shma loyihalarni amalga oshirish bo‘yicha kelishuvga erishildi.
Mavzuga doir: O‘zbekiston Turkiya bilan tovar va transport o‘tishining axborot almashinuvi bo‘yicha hamkorlik qiladi
Izoh (0)