Toshkent shahri Chilonzor tumanida bosh hisobchi tadbirkorning 506,7 million so‘mini o‘zlashtirgani aniqlandi. Bu haqda Iqtisodiy jinoyatlarga qarshi kurashish departamenti xabar berdi.
Bosh prokuratura huzuridagi departamentning Chilonzor tumani bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Unda fuqaro V.E. “B.C.” “Ev.” va “B.F.” MCHJlarda o‘rindoshlik asosida bosh hisobchi lavozimida ishlab kelib, ushbu korxonalar rahbari va ta’sischisining ruxsatisiz jami 506,7 million so‘mini ish haqi va moddiy yordam sifatida o‘zining plastik kartasiga o‘tkazish orqali talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)