AOKAda o‘tkazilgan brifingda “O‘zkimyosanoat” AJ axborot xizmati rahbari Rustambek Eshbekov tizimda korrupsiyaga qarshi ichki nazorat faoliyati haqida ma’lumot berdi.
Qayd etilishicha, joriy yilning o‘tgan davrida “O‘zkimyosanoat” AJ tizim korxonalarida 3,1 milliard so‘mlik pul mablag‘larining asossiz sarflanishi oldi olingan. Bunga xaridlar jarayonining ochiq va shaffofligini hamda “Davlat xaridlari” qonuni talablariga muvofiq o‘tkazilishini ta’minlash natijasida erishilgan.
Shuningdek, xaridlar jarayonida ishtirokchilarning o‘zaro til biriktirishlari, raqobat muhitini cheklashga urinish hamda ball qo‘yishda baholash mezonlariga noxolis yondashuvlarni bartaraf etilishi natijasida jami 29,1 milliard so‘mlik shartnomalarning tuzilishi rad etilib, aniqlangan manfaatlar to‘qnashuviga chek qo‘yilgan.
Turli korrupsion holatlarni oldini olish maqsadida o‘tkazilgan 15 ta xizmat surishtiruvi natijasida 5 nafar xodim jinoiy javobgarlikka tortilgan. 8 nafar xodim egallab turgan lavozimidan ozod etilgan. 36 nafar mas’ul xodimlarga nisbatan turli xildagi intizomiy jazolar (hayfsan, ogohlantirish) qo‘llanilgan. 22 nafar xodimning ish haqidan jarima undirilgan. 9 ta holat bo‘yicha to‘plangan materiallar qonuniy chora ko‘rish uchun huquq tartibot organlariga yuborilgan.
Izoh (0)