O‘zbekiston hududida 2023—2025-yillarda Milliy koordinatalar tizimi joriy etiladi. Bu haqda AOKAda o‘tkazilgan brifingda Kadastr agentligi axborot xizmati rahbari Ne’mat Otamuratov ma’lum qildi.
Prezident qarori bilan 2023—2026-yillarda Davlat soliq qo‘mitasi huzuridagi Kadastr agentligi organlari va tashkilotlari faoliyatining asosiy prognoz ko‘rsatkichlari tasdiqlandi:
- 25 mln 169 ming gektar yer uchastkalarini o‘lchash va ularning elektron xaritalarini yaratish;
- 8 mln 200 mingdan ortiq bino va inshootlarni o‘lchash va ularning elektron bazasini yaratish;
- 9370 ta mahalla chegaralarini belgilash;
- 111 ta tumandagi yer resurslarini xatlovdan o‘tkazish;
- 1665 ta ma’muriy-hududiy birliklar chegaralarini belgilash kabilar shular jumlasidan.
2023-yil 1-yanvardan boshlab Kadastr agentligining hududiy bo‘limlari, Davlat kadastrlari palatasi hududiy boshqarmalari va tuman (shahar) filiallarining qonuniy faoliyatiga mahalliy davlat hokimiyati organlari tomonidan aralashish yoki ta’sir o‘tkazish qat’iy taqiqlanadi. Qaror bilan quyidagi ishlarni bajarish belgilandi:
- Geodeziya va kartografiya sohasida qo‘llaniladigan o‘lchash vositalarini qiyoslash va kalibrlash ishlarini tashkil etish;
- 2023-2025-yillarda O‘zbekiston hududida Milliy koordinatalar tizimini joriy etish;
- Davlat koordinatalar tizimidan (SK-42) Butunjahon koordinatalar tizimiga (WGS-84) o‘tish parametrlarini ishlab chiqish.
Izoh (0)