Toshkent shahar, Yashnobod tumanidagi ofis hamda savdo shoxobchalari kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga “Aloqabank” tomonidan joylashtirilgan. Yerga bo‘lgan huquq turi — ijara.
2019-yilda qurilgan ushbu bino 5 qavat va 11 ta xonadan iborat.
Yer uchastkasining umumiy maydoni — 0,05 gektar. Binoning maydoni — 1658 kvadrat metr. Binoda, suv, elektr ta’minoti va kanalizatsiya tizimi bor. Gaz ta’minoti esa yo‘lga qo‘yilmagan.
Lot izohida yozilishicha, bino ichidagi jihozlari bilan birga sotiladi.
Auksionga qo‘yilgan ofis binosining boshlang‘ich bahosi — 73,8 mlrd so‘m. Arizalar 25-noyabr 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkentda Hamid Olimjon maydonidagi savdo do‘koni auksionga qo‘yilgani haqida xabar berilgandi.
Izoh (0)