Malika Diana va qirol Charlz III to‘yidan qolgan mevali tort bo‘lagi 20-oktabr kuni Dore va Ris auksionlarida sotiladi, deb xabar berdi, Pravila jizni nashri. Shuningdek, sotuvda yangi turmush qurganlarning qirollik saroyi a’zolariga tashakkurnomasi ham bor.
Shirinlik bo‘lagi o‘sha paytda qirollik xonadonida umrining oxirigacha ishlagan Nayjel Rikettsga berilgan. Riketts 2022-yil boshida vafot etdi va Dore and Rees auksion kompaniyasining mutaxassisi ba’zi narsalarni baholash uchun uning uyiga borgan.
Mutaxassis hali ham salfetka va yog‘li qog‘ozga o‘ralgan to‘y torti bo‘lagini topgan. Tort bundan 41 yil oldin tayyorlangan bo‘lishiga qaramay, tarkibida ko‘p miqdorda alkogol bo‘lganligi tufayli yaxshi saqlangan.
Hozirda lot 336 dollarga baholanmoqda. Biroq, auksion tashkilotchilari mashhur to‘ydagi tort ancha qimmatga sotilishini taxmin qilmoqda. Sovg‘a qutisi qopqog‘ida Uels shahzodasi nishoni, shuningdek C, D bosh harflari (Charlz va Diana) va “Bukingem saroyi, 1981-yil 29 iyul” degan yozuv mavjud.
1981-yilda malika Diana va qirol Charlz III ning to‘yi butun dunyo bo‘ylab translyatsiya qilingan va uni 750 milliondan ortiq inson tomosha qilgan. Juftlik 1995-yilda rasman ajrashganini ma’lum qilgan.
Mavzuga doir:
- Dunyoga qarshi chiqqan juftlik: 34 yil davomida turmush qurish uchun qirolichaning ruxsatini kutgan Charlz va Kamillaning sevgi hikoyasi.
- Malika Diananing o‘g‘illari London g‘arbida onasiga atab haykal o‘rnattirdi. Shahzoda Charlz marosimga kelmadi.
- Foto: Shahzoda Charlz 70 yoshda.
- OAV: Shahzoda Charlz taxtni egallaganidan so‘ng Bukingem saroyida yashash niyatida emas.
Izoh (0)