O‘zbekistonda 2022-yil 1-noyabrdan boshlab ingliz tilidan gapirish ko‘nikmasini baholash imtihonlari maxsus dastur orqali to‘liq elektron shaklda o‘tkaziladi. Bu haqda Davlat test markazi xabar qildi.
Qayd etilishicha, mazkur jarayon ko‘pchilik uchun yangilik bo‘lgani sababli gapirish ko‘nikmasini baholash imtihonlari (ingliz tilidan) bo‘yicha maxsus videorolik tayyorlangan.
Videorolikda gapirish ko‘nikmasini baholash imtihoni o‘tkaziladigan dasturdan qanday foydalanish kerakligi to‘liq tushuntirilgan.
Shuningdek, “test.dtm.uz” sayti orqali dasturdan foydalanib ko‘rish va jarayon bo‘yicha to‘liq tushunchaga ega bo‘lish mumkin.
“Mazkur tartib ko‘p darajali tizimda o‘tkaziladigan imtihonlarga taalluqli bo‘lib, har bir daraja uchun alohida o‘tkaziladigan imtihonlarga tegishli emas”, — deyiladi xabarda.
Izoh (0)