Shimoliy Koreya Janubiy Koreya otgan o‘qlarga javoban, baravar o‘t ochish reaktiv tizimidan o‘nta snaryad uchirdi. Bu haqda Koreya Markaziy telegraf agentligi xabar berdi.
KXDR harbiylari mahalliy vaqt bilan 24-oktabr kuni 5:15 (Toshkent vaqti bilan 1:15) atrofida o‘zining g‘arbiy sohillaridan o‘t ochgan. Bu Janubiy Koreya KXDR kemasi shimoliy chegara chizig‘ini bosib o‘tganiga javoban uzgan ogohlantiruvchi o‘qlarga javoban amalga oshirilgan (Northern Limit Line — Sariq dengizda Shimoliy va Janubiy Koreya o‘rtasidagi demarkatsiya chizig‘i).
Yonhap agentligi ma’lumotlariga ko‘ra, KXDR kemasi chegara chizig‘ini Pennyondo oroli yaqinida 3:42 da kesib o‘tgan. Shundan keyin Janubiy Koreya harbiylari ogohlantiruvchi o‘qlar uzgan, kema esa shimolga chekingan.
Qayd etish joiz, Shimoliy Koreya muntazam ravishda ballistik raketalar uchirib keladi. So‘nggi marta bu 9-oktabr kuni yuz bergandi. Sinovlar Yapon dengizi qirg‘og‘ida, Munchxon shahri hududida amalga oshirilgan, raketalar 350 km masofani bosib o‘tgan.
Izoh (0)