Hujumchi Kilian Mbappening “PSJ” bilan shartnomasi sport tarixidagi eng katta bitim ekani aytilmoqda.
Le Parisien nashri o‘tgan mavsum oxirida tomonlar o‘rtasida tuzilgan shartnoma tafsilotlari bilan bo‘lishdi. Unga ko‘ra, uch yil davomida hujumchi 636 million yevroga qadar (soliqlar bilan birga) ishlab olishi mumkin.
Fransuzning maoshi yiliga 72 million yevroni tashkil qiladi. Shartnoma imzolaganlik uchun bonus 180 million bo‘lib, u uch bo‘lakka bo‘lib to‘lanadi.
Shuningdek, Mbappe sodiqlik uchun ham bonusga ega bo‘ladi. 2023-yil yozida u 70 million, 2024-yilda 80 million, 2025-yilda esa 90 million yevro oladi.
Avvalroq Kilian Parij klubini tark etmoqchiligi xabar qilingan, biroq uning o‘zi bu mish-mish ekanligini aytgandi.
Joriy mavsum 23 yoshli futbolchi Fransiya chempionatida 11 o‘yinda ishtirok etib, 10 ta gol va 2 ta golli uzatmaga mualliflik qilgan.
Izoh (0)