Buyuk Britaniyaning sobiq moliya vaziri Rishi Sunak Konservativlar partiyasi rahbari va bosh vazirlikka nomzodini qo‘yishini ma’lum qildi. Avvalgi saylovlarda u Liz Trassning asosiy raqibi bo‘lgandi.
“Buyuk Britaniya — buyuk davlat, ammo biz chuqur iqtisodiy inqirozga duch kelyapmiz. Shuning uchun men Konservatorlar partiyasi rahbari va sizning keyingi bosh vaziringiz bo‘lish niyatidaman”, — deb yozgan Sunak Twitter’da.
Sobiq vazir iqtisodiyotdagi vaziyatni yaxshilashga va partiyani birlashtirishga va’da berdi.
Sky News avvalroq Sunak sobiq bosh vazir Boris Jonson bilan muzokaralar olib borgani haqida xabar bergan edi. Nashr shuningdek, Jonson ham Konservativ partiya rahbari va mos ravishda, keyingi hukumat rahbari lavozimi uchun saylovlarda qatnashishga tayyorligini yozgan.
Sunak Britaniya bosh vaziri lavozimiga o‘z nomzodini shu yilning yozida, Boris Jonson iste’foga chiqqanidan keyin ham ilgari surgandi. Biroq, saylovlarda Liz Trass g‘alaba qozondi.
Izoh (0)