BAAning Abu-Dabi shahrida 22-oktabr oqshomida UFC 280 musobaqasi bo‘lib o‘tadi.
Kechaning asosiy jangi yengil vazn toifasida vakant titul uchun Charlz Oliveyra va Islom Maxachev o‘rtasida kechadi. Shuningdek, asosiy karddan o‘ta yengil vazn toifasi chempion Aljemeyn Sterling va TiJey Dillashou jangi ham o‘rin olgan. O‘ta yengil vazn toifasida sobiq UFC chempioni Pyotr Yan esa amerikalik Shon O’Melliga qarshi oktagonga chiqadi.
O‘zbekistonlik yakkakurashchi Mahmud Murodov mazkur musobaqada Braziliya vakili Kayo Borralyoga qarshi oktagonga ko‘tariladi.
Janglar qachon boshlanadi?
Prelim kard janglari 19:00 dan boshlanadi. Mahmud Murodov ishtirokidagi jang 21:30—22.00 atrofida boshlanishi kutilmoqda. Asosiy kard esa 23:00 dan so‘ng start oladi.
Jangni qanday tomosha qilish mumkin?
UFC 280 musobaqasi O‘zbekiston telekanallari orqali efirga uzatilmaydi. Musobaqani Setanta Sports saytidan ro‘yxatdan o‘tgan holda bepul tomosha qilish mumkin. Rossiyaning “Match Boets” kanali ham musobaqani olib ko‘rsatadi, “Match TV” esa asosiy karddan boshlab efirga chiqadi.
UFC 280 ning janglar ro‘yxati bilan tanishing:
Asosiy kardCharlz Oliveyra (33-8) — Islom Maxachev (22-1)Aljameyn Sterling (21-3) — TiJey Dillashou (17-4)Pyotr Yan (16-3) — Shon O‘Melli (15-1)Beneil Dariush (21-4-1) — Mateush Gamrot (21-1)Ketlin Chukagyan (18-4) — Manon Fiorot (9-1)
Prelim kardBilol Muhammad (21-3) — Shon Bredi (15-0)Mahmud Murodov (25-7) — Kayo Borralyo (12-1)Volkan O‘zdemir (18-6) — Nikita Krilov (28-9)Abubakar Nurmagomedov (16-3-1) — Gaji Umargajiyev (13-1)Armen Petrosyan (7-2) — EyJey Dobson (6-1)Muhammad Mokayev (8-0) — Malkolm Gordon (14-5)Kerol Rosa (15-4) — Liba Lansberg (10-6)
Izoh (0)