“O‘zgidromet” mutaxassisi Erkin Abdulahatov mahalliy vaqt bilan soat 04:52 da Sirdaryo viloyatidagi harbiy qismda portlash ro‘y bergani haqida yozgandi. Mudofaa vazirligi holatga aniqlik kiritdi.
Unga ko‘ra, soat 04:55 da Sirdaryo viloyati Malik aholi punktidagi Mudofaa vazirligi omborida yakka tartibda portlash sodir bo‘lgan, talafot ko‘rganlar va jabrlanganlar yo‘q. Hozirda surishturuv ishlari olib borilmoqda.
Erkin Abdulahatovga ko‘ra, Sirdaryo viloyatining Sirdaryo tumanida istiqomat qiluvchi aholi kuchli gumburlash, osmonning qizg‘ish rangga kirishi guvohi bo‘lgan.
Portlash yuqoridagi kameraga olingan obyektdan 5 km uzoqlikda ro‘y bergan. Chunki chaqnashdan so‘ng akustik to‘lqin 15 sekund o‘tib obyektga yetib kelgan. Bu portlash va obyekt o‘rtasidagi masofa 5 km ekanini anglatadi. Havoda tovushning tarqalish tezligi sekundiga 335 metrga teng.
Ta’kidlanishicha, Sirdaryo tumanida aholi yashash obyektlari, savdo-shoxobchalari, magazin va boshqa ijtimoiy obyekt deraza oynalari akustik to‘lqindan singan.
Izoh (0)