Ijtimoiy tarmoqlarda Farg‘onada fuqarolar ichki ishlar xodimlari ko‘z o‘ngida janjallashayotgani aks etgan video tarqaldi. “Daryo” muxbiri so‘roviga ko‘ra viloyat IIB axborot xizmati holat yuzasidan rasmiy ma’lumot berdi.
Qayd etilishicha, 2022-yilning 7-oktabr kuni 3 nafar fuqaro Farg‘ona tumani Vodil shaharchasidagi savdo do‘konida navbat talashib, o‘zaro janjallashgan.Mazkur holat yuzasidan Farg‘ona tumani IIB tomonidan olib borilgan surishtiruv davomida fuqarolar R.M. va A.N.ning harakatlarida Ma’muriy javobgarlik to‘g‘risidagi kodeksning 52-moddasi 2-qismida (yengil tan jarohati yetkazish), A.Sh.ning harakatlarida esa 183-moddasi (mayda bezorilik) da ko‘rsatilgan ma’muriy huquqbuzarlik alomatlari mavjudligi aniqlangan.
Huquqbuzarlarga nisbatan ma’muriy tartibda hujjatlar rasmiylashtirilib, tegishli tartibda jinoyat ishlari bo‘yicha Farg‘ona tuman sudiga yuborilgan.
Videotasvirdagi ichki ishlar xodimlarining xatti-harakatlari yuzasidan ularga nisbatan xizmat tekshiruvi tayinlangan.
Izoh (0)