Futbol bo‘yicha Angliya Premyer Ligasining 13-turida “Manchester Yunayted” 22-oktabr, shanba kuni “Chelsi” mehmoni bo‘ldi.
Birinchi bo‘limda darvozalar daxlsizligi saqlanib qoldi. Ikkinchi bo‘limda jamoalar yanada faol harakat qila boshladi. Dastlab, 87-daqiqada Jorjinyo penaltidan unumli foydalanib, hisobni ochdi. Biroq 90+4-daqiqada Kazemiro mankunianliklarni mag‘lubiyatdan saqlab qoluvchi gol muallifiga aylandi.
“Chelsi” ushbu durang natijadan so‘ng ochkolarini 21 taga yetkazib, 4-o‘rinni egallab turibdi, “Manchester Yunayted” 20 ochko bilan 5-pog‘onani band etdi.
APL
13-tur bahsi
22-oktabr, shanba
“Chelsi” — “Manchester Yunayted” 1:1
Gollar: 1:0 – 87 Jorjinyo (penalti), 1:1 – 90 Kazemiro.“Chelsi”: Arrisabalaga, Aspilikueta, Tiago Silva, Kukurelya (Kovachich, 36), Chaloba, Chiluell, Jorjinyo, Loftus-Chik (Chukvuemeka, 79), Maunt, Obameyang (Pulishich, 74), Sterling (Broya, 79).
“Manchester Yunayted”: De Xea, Diogu Dalot, Varan (Lindelef, 60), Martines, Shou, Eriksen (Maktomini, 80), Kazemiro, Brunu Fernandesh, Reshford (Elanga, 81), Sancho (Fred, 52), Antoni.
Ogohlantirishlar: Antoni (32), Fred (86), Shou (90), Jorjinyo (90), Martines (90).