Toshkentning Yangihayot tumanida Sams yuk mashinasi piyodaga yo‘l berish uchun to‘xtagan Trailblazer’ni urib yubordi. Bu haqda poytaxt YHXB xabar berdi.
Voqea 19-oktabr kuni soat 10:25 larda Yangihayot tumani 4p21 yo‘li Metallurgiya zavod qarshisida yuz bergan. 1999-yilda tug‘ilgan U.X. Sams yuk mashinasini boshqarib ketayotib shu yo‘nalishda harakatlanib kelayotgan 1998-yilda tug‘ilgan X.M. boshqaruvidagi Trailblazer orqa qismiga urilgan.
YTHga Trailblazer haydovchisi tartibga solinmagan piyodalar yo‘lagidan o‘tayotgan piyodani o‘tkazish uchun to‘xtaganida orqasidan harakatlanib kelyotgan yuk mashinasi haydovchisi oraliq masofa saqlamagani va yer namligi uchun to‘xtolmay qolgani sabab bo‘lgan.
Hodisa natijasida tan jaroxatlar olganlar yo‘q. Holat yuzasidan Toshkent shahar IIBB YHXB xodimlari tomonidan surishtiruv ishlari olib borilmoqda.
Mavzuga doir: Toshkentda yuk mashinasi avtobusga borib urildi. Oqibatda uzilib tushgan kabina Nexia’ga shikast yetkazdi
Izoh (0)