Rossiya armiyasi Ukrainadagi harbiy jinoyatlari uchun javob beradi — BMT

BMT Mustaqil xalqaro komissiyasi 2022-yil fevral oxiri va martdan boshlab Ukrainaning Kiyev, Chernigov, Xarkov va Sumi viloyatlarida jangovar harakatlar yuzasidan tekshiruvlar olib borgan. Bu haqda ushbu komissiyaning BMT Bosh assambleyasi uchun tuzilgan ma’ruzasida aytiladi.

Ko‘pchilik jinoyatlar faktlar bilan asoslangan bo‘lib, ular orasida qiynoqlar, qatllar, jinsiy zo‘ravonliklar, noqonuniy hibslar, deportatsiya va boshqalar bor.

“Ushbu qonunbuzarliklarning Ukraina oddiy aholisi uchun oqibatlari juda katta bo‘lgan. Odamlarning halok bo‘lishi bilan bog‘liq holatlar minglarcha. Infratuzilma vayrongarchiliklari dahshatli darajada”, — dedi komissiya raisi Erik Myose.

Avvalroq BMT Bosh assambleyasi Donetsk va Lugansk xalq respublikalarida hamda bosib olingan Xerson va Zaporojye viloyatlarida Rossiya tomonidan o‘tkazilgan “referendumlar”ni qoralovchi rezolyutsiyani qabul qilgan edi.