Vazirlar Mahkamasi “2022—2023-yillarning qish-bahor mavsumida aholi va ijtimoiy soha muassasalarining asosiy turdagi qishloq xo‘jaligi mahsulotlariga bo‘lgan ehtiyojini qondirish bo‘yicha qo‘shimcha chora-tadbirlar to‘g‘risida”gi qarorni qabul qildi.
Norma’ning xabar berishicha, aholi va ijtimoiy soha muassasalarini asosiy turdagi qishloq xo‘jaligi mahsulotlari bilan kafolatli ta’minlash, narxlarning asossiz o‘sib ketishiga yo‘l qo‘ymaslik maqsadida hujjat bilan quyidagilar tasdiqlandi:
- 2022—2023-yillar qish-bahor mavsumida aholini qishloq xo‘jaligi mahsulotlarining asosiy turlari bilan ta’minlashning prognoz parametrlari;
- aholini qishloq xo‘jaligi mahsulotlarining asosiy turlari bilan ta’minlashda aniqlangan taqchillikni qoplash manbalari;
- ichki iste’mol bozori uchun qishloq xo‘jaligi mahsulotlarining asosiy turlarini g‘amlash va mablag‘larga bo‘lgan talab-ehtiyojning prognoz hajmlari;
- ijtimoiy soha muassasalari tomonidan o‘z ehtiyojlari uchun qishloq xo‘jaligi mahsulotlarining asosiy turlarini g‘amlash va ushbu maqsadlarga byudjet mablag‘lari talab-ehtiyojlarining prognoz hajmlari;
- respublikaning borish qiyin bo‘lgan tog‘li hududlari va olis cho‘l zonalarida yashaydigan aholi iste’moli uchun oldindan yetkazib beriladigan asosiy turdagi oziq-ovqat mahsulotlarining prognoz hajmlari;
- qish-bahor mavsumiga g‘amlab qo‘yilgan qishloq xo‘jaligi mahsulotlarining asosiy turlarini ichki iste’mol bozorida sotishning tarmoq jadvallari.
- Qoraqalpog‘iston Vazirlar Kengashi, viloyatlar va Toshkent shahar hokimliklari huzurida tashkil etilgan Oziq-ovqat xavfsizligi jamg‘armalari;
- maktabgacha ta’lim, sog‘liqni saqlash va xalq ta’limi vazirliklari tashkilotlari uchun – davlat budjeti va ushbu vazirliklarning budjetdan tashqari jamg‘armalari mablag‘lari;
- tijorat banklarining tayyorlov tashkilotlariga kreditlari.
Izoh (0)