“Real” Ispaniya La Ligasining 9-turida “Barselona”ni 3:1 hisobida mag‘lubiyatga uchratdi.
Mazkur o‘yin rasmiy maqomda o‘tgan 250-klasiko bo‘ldi. Madridliklar 101-g‘alabasiga erishdi, “ko‘k-anorranglilar” hisobida 97 ta g‘alaba bor, yana 52 marta durang qayd etilgan.
“Real” so‘nggi 7 klasikodan 6 tasini g‘alaba bilan yakunladi. Bu oraliqdagi yagona mag‘lubiyat 2022-yilning 20-martida qayd etilgan. O‘shanda “Barselona” raqibini 4:0 hisobida taslim etgandi.
Karlo Anchelotti jamoasi joriy mavsumdagi 14 ta o‘yinning birortasida mag‘lub bo‘lmadi — 12 g‘alaba, 2 durang.
Ispaniya chempionatida madridliklar 8 ta g‘alaba va bitta durang qayd etgan holda peshqadamlik qilmoqda.
Izoh (0)