Yil boshidan beri O‘zbekistonda qaysi avtomobil eng ko‘p ishlab chiqarilmoqda?

Yil boshidan beri O‘zbekistonda eng ko‘p Cobalt avtomobili ishlab chiqarilgani ma’lum bo‘ldi. Bu haqda Davlat statistika qo‘mitasi xabar berdi.

Ma’lumotlariga ko‘ra, 2022-yilning yanvar—sentabr oylarida 229 806 ta yengil avtomobil ishlab chiqarilgan.

Yanvardan buyon avtomobil sanoatida ishlab chiqarilgan mashinalar soni:

• Cobalt — 69 816 dona;
• Lacetti-Gentra — 64 074 dona;
• Damas — 52 673 dona;
• Nexia T-250 — 17 735 dona;
• Spark — 11 119 dona;
• Maxsus yengil avtomobillar — 14 389 dona.

Sentabrda Cobalt avtomobilini ishlab chiqarish hajmida o‘sish kuzatilgan — 9,1 ming dona. Avgustda bu ko‘rsatkich 7,7 mingtaga teng edi.

Biroq iyul oyida atigi 3,5 mingta bunday avtomobil ishlab chiqarilgan. Iyun oyida bu ko‘rsatkich 10 mingdan oshiq bo‘lgan edi.

Ma’lum bo‘lishicha, hozirgi kunda avtomobillarga bo‘lgan talab ancha barqaror bo‘lib, shu yilning yanvar oyida boshlangan faollik o‘sish tendensiyasini davom ettirmoqda.