Namangan viloyatidagi maktabda geografiya fani o‘qituvchisi o‘quvchini ayovsiz kaltakladi. Bu haqda “Daryo” mushtariylaridan biri xabar berdi.
Aytilishicha, voqea 13-oktabr kuni Namangan shahridagi 58-maktabda sodir bo‘lgan.
Xabar muallifining qo‘shimcha qilishicha, bola ayni paytda shifoxonada davolanmoqda.
Jamoatchilik muhokamasiga sabab bo‘lgan holatga munosabat bildirgan viloyat IIB axborot xizmati voqea Namangan shahrida emas, Davlatobod tumanidagi 58-maktabda sodir bo‘lganini, zo‘ravon o‘qituvchi geografiya fani o‘qituvchisi E.M.ligini, kaltaklangan o‘quvchi esa maktabning 5-“V” sinfida o‘quvchi 2011-yilda tug‘ilgan X.M. ekanini ma’lum qildi.
Mazkur holat bo‘yicha sud tibbiy ekspertizasi tayinlanib, Namangan shahar IIO FMB huzuridagi Tergov bo‘limi tomonidan tergovga qadar tekshiruv harakatlari olib borilmoqda. Qo‘shimcha ma’lumot taqdim etiladi, — deyiladi viloyat IIB axborotida.Avvalroq Namangan viloyatining Kosonsoy tumanidagi 29-maktabda o‘quvchi o‘qituvchini kaltaklagani xabar berilgandi.
Izoh (0)