Kilian Mbappe “Real”ga o‘tmaydi

“PSJ” hujumchisi Kilian Mbappening parijliklar klubi bilan munosabatlari tobora keskinlashib bormoqda.

Fransiyalik futbolchi rahbariyatdan norozi va yaqin orada Parijni tark etish istagida.

“PSJ” forvardi “Real”ga o‘tmaydi, deya xabar qilmoqda El Chiringuito. Mbappe ayni damda Madrid klubining rejalariga kirmayapti.

“Real” 2021/22-yilgi mavsum oxirida Kilianni qo‘lga kiritishga jiddiy kirishgandi. Biroq futbolchi “PSJ” bilan shartnomasini uzaytirdi. Mbappening bu qilmishi “Real” vakillariga yoqmagani va klub endi hech qachon Kilianni olib kelish mavzusiga qaytmasligi aytilgandi.

Avvalroq futbolchi “Liverpul”ga yo‘l olishi mumkinligi aytilgandi.

23 yoshli futbolchi Liga 1 joriy mavsumida 9 ta o‘yin o‘tkazib, 8 ta golga muallif bo‘ldi.

Mavzuga doir:

• Mbappe o‘zini yolg‘on va’dalar va siyosiy bosim qurboni bo‘lgandek his qilmoqda. U yozda “PSJ”ni tark etishi mumkin
• Kilian Mbappe yanvardayoq “PSJ”ni tark etmoqchi. Futbolchi klub rahbariyatidan norozi