Toshkent shahri bojxona boshqarmasining “Chuqursoy texnik idora” temiryo‘l chegara bojxona postida giyohvandlik vositasining navbatdagi harakatiga chek qo‘yildi. Bu haqda boshqarma axborot xizmat xabar berdi.
Unga ko‘ra, respublikaga kirib kelgan yuk poyezdi tarkibi nazoratdan o‘tkazilganda xizmat itining belgi berishi natijasida poyezd tarkibidagi vagonning qo‘shg‘ildirak ramasi yon ichki qismida oq rangli polietilen paket ichiga solingan va gazetaga o‘ralgan holda turgan, yashil rangli, maydalangan, o‘ziga xos o‘tkir hidli modda borligi aniqlangan.
Moddalar xolislar ishtirokida ko‘zdan kechirilganida o‘rami bilan og‘irligi 44 grammni tashkil etuvchi marixuana giyohvandlik vositasi ekani ma’lum bo‘ldi. Hozirda holat yuzasidan surishtiruv harakatlari olib borilmoqda.
Izoh (0)